يا هاجر الليل ليه النوم من بدري
وانا خويك قضيت العمر صّبّاحي
اخذ من الليل سر العشق في شعري
واكتبه صاحي وانا والله مو صاحي
يغيب زولي ولكن حاضر بذكري
في ساحة الشعر تجري السفن برياحي
اخترت نفسي وعفت الكل من صغري
وايقنت بني حظيظ بخوة اتراحي
عطيت وجهي عدوي وللبحر ظهري
واهديت غمد الضلوع لبارق سلاحي
وامنت بني سلام وخفت من غدري
وارديت حظي قتيل بأول امراحي
ما هاض حزني ومزني نايح القمري
ينوح عاده وانوح بسبة افراحي
بيني وبيني اجاوب والله بعذري
مادام جد الظروف تخالط امزاحي
ما لنت الا لانك قادر(ن) كسري
وما شمت الا لان الرمش ذباحي
بنيت جنة غلا واحساس في صدري
وابليس بعدك يوسوس لك بتفاحي
مركاي صبري وعفت بمجلسي صبري
ونظمت دمع الحنين بخيط مسباحي
معاك عمري وتبخل بي على عمري
لله عطني سماي واطلق اجناحي
ماكبر الهجر من قدرك ومن قدري
خذ راس مالي وعطني منك ارباحي
ماعاد بك شي ياخلي على خبري
وان كنت صاحي امانه حس ياصاحي
لا تسهر الليل يالله انّام من بدري
تعبت وانا اقّضي العمر صبّاحي[/poem]
جديد الأخبار
صباحي
قصيدة صباحي للشاعر : محمد الوبير
(0)
(0)وصلة دائمة لهذا المحتوى : https://www.alajfarnews.com/23181/
للمشاركة والمتابعة
التعليقات 2
15/12/2011 في 1:00 م[3] رابط التعليق
[FONT=Arial Black]أعجبني:
خذ راس مالي وعطني منك ارباحي
ماعاد بك شي ياخلي على خبري .
صح لسانك شاعرنا.
07/01/2012 في 4:55 م[3] رابط التعليق
[B]أعجبني:
خذ راس مالي وعطني منك ارباحي
ماعاد بك شي ياخلي على خبري
صح لسانك شاعرنا.[/B]