قصة وقصيدة للمرحوم عذال عريان المحيلان ( ابو حشر )عندما ضاعت ناقته وبعدحوالي ٨ سنوات حصلها في سوق الرياض بالحراج قال هذي ناقتي ولاتباع وحصل مشاده بينه وبين صاحب الناقه وقتها وكان معه من ربعنا رميح المحمد وموسى المحذاف .. واجتمعو الشرطه والشرع والناس وقالو للوالد اثبت انها ناقتك وقال اببعد و ابندبها وان جتني فهي ناقتي شرهه .ندبها فتحركه فحالو الناس بينهم ولكنها ابت فاتجهت له حتى وقفت على رآسه فقالو الناس أشهد انها ناقتك ياشمري فقال هذه الابيات :
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=1 align=center use=ex num=”0,#400000″”]
يامن خبر من خلقة الجدي والنوق = بجرد السنين معزيات الجنيني
( شرهه ) ندبته طول حسي مع السوق = وقامت تلوحه طول حسه حنين
هذا عليه من الاجاويد ماثوق= الله وامان الله تنشى يديني
والعين صبت دمعها تقل مدفوق= كله سبايب يوم شرهه تجيني
البدو والحضران والحكم من فوق = والشرع رجع ناقتي في يميني
بنت البويضاء وبنتها جدي للطوق =شرقاً من الموصل لقيت السميني
وخلاف ذا ياراكبينٍ على فوق = زين الكراسي دايمً له رطيني
وسحب من البصره على مذهب البوق = على حديدً قاسيً مايليني[/poem]
نشكر الاستاذ / عيد العذال على تزويدنا بالصوره والقصة والقصيدة …
(
(
التعليقات 4
إنتقل إلى نموذج التعليقات ↓
11/12/2010 في 12:06 ص[3] رابط التعليق
الله يرحمه ويسكنه جنات النعيم
قصيده رائعه ومن أجمل ماقراته.
وأحزنني منها هذا ألبيت:
والعين صبت دمعها تقل مدفوق كله سبايب يوم شرهه تجيني
19/12/2010 في 8:50 ص[3] رابط التعليق
الله يرحم عذال ويطول في عمر ولده عيد العذال
شبه الناس بابوه الله يرحمه
27/12/2010 في 8:18 ص[3] رابط التعليق
رحمه الله وأسكنه فسيح جناته
قصيدة من عيون الشعر
شكرا للجميع
ماجد الريس
26/12/2019 في 9:20 م[3] رابط التعليق
من اروع ماسمعت صح لسان العم عذال وشكراً على النقل يابو فهد