[frame=”7 80″]
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=1 line=0 align=center use=ex num=”0,#400000″”]
يالله يالمعبود ياخالق الناس = ياعالم (ن) بالسر هو والجهاري
ياعالم (ن) ماتحت الابحار غطاس = ياعالم (ن) ماتحت صم الصخاري
ياخالق (ن ) سود الشوامخ والاطعاس =يامسقين قاع الوطى من الغداري
ترحم شيوخ (ن ) فعلهم يرفع الراس =فريس قوم (ن) يبعدون المساري
افعالهم عز ومعزه ونوماس = تبقى لنا دوم الليال السواري
ندعي لهم رب المخاليق بدماس=وندعي لهم رب الملا بالسحاري
عسى لهم في جنة الخلد مجلاس= يالله طلبته منك ياخير باري
وعسى لهم في جنتك ريف واغراس= وعسى لهم نهرن به الخير جاري
شيوخ (ن) لهم بالصيت عزن ونوماس= وتاريخهم تقراه بدو وحضاري
فريس قوم وستر من فلة الراس=ستر العذارى لابسات الخزاري
وعدوهم يصبح ويمسي بهوجاس =وديارهم مايقربه كل ضاري
فريس عقيد وزحازيح واشراس = وعدوهم ينكف بكل الخساري
مركوبهم حرن يقاود بالمراس = ياماخذوبه فوق شهب الصحاري
يوم انها بالسيف والدرع والطاس=والرمح والبندق وعوج الشباري
هذاك من ياخذ على القوم مرواس= نداء صليب الراي سبع الظواري
له غارت (ن) تتعب طويلين الانفاس= وله سطوت (ن ) ترعب رجال (ن) تجاري
راع المليحا متعب (ن) قب الافراس= يذري سرايا ولامشى بالمذاري
قادالسرايا طير شلوى على ساس= يفك ربعه من سهوم الغداري
في غارته يشبه بعيدات الارماس= شقر الحرار مفرقات الحباري
راع المليحا بالبشر ماله اجناس= ولاهو ردى بفريس قوم (ن) كثاري
ابوجبر مزب (ن) لمن ضامه الياس= ومزبن لمن ضاق الزمن به وجاري
وعياد اخوه العون وعصابت الراس= اقرب قريب (ن) له عضيدن مباري
وعياد يادقت على الحرب الاجراس= وابدت على الروس السيوف البتاري
لاثارت الهيجا وقبس عج واحتاس= له غارت (ن) على العدو مايداري
وعياد يامن صكت اضراس باضراس =من مضربه دم العدو له نثاري
جدي نداء والعم عياد نوماس= عسى لهم في جنة الخلد داري
وصلاة ربي عد ماهب نسناس = على الرسول وعدماسار ساري[/poem][/frame]
(( جدي نداء والعم عياد نوماس )) قصيدة للشاعر مشعل صعفق النهير
قصيدة للشاعر مشعل صعفق جبر النهير بالفارس القائد نداء بن خلف النهير والفارس القائد عيادبن خلف النهير ..
(( جدي نداء والعم عياد نوماس ))
(0)
(0)وصلة دائمة لهذا المحتوى : https://www.alajfarnews.com/?p=35631
للمشاركة والمتابعة
